O Ferrol máis poético e combativo regresa o día 24 como cada mes de abril baixo a forma da Semana de Poesía Salvaxe que este ano cumpre a súa VI edición. Faino a pesar da absoluta carencia de axudas institucionais e coa colaboración de seareiros de toda España a través da plataforma Verkami, coa que conseguiron 3.000 euros. Esta iniciativa, xunto coa colaboración popular, fixo que este ano o número de actividades se multiplicase con novas propostas como a presentación do Comando Ártabro da Palabra Encarnada, un colectivo poético ferrolán no que participan Manolo Bacalhao, Juana Corsina, Fernando Naveiras, Ricardo Ledo, Pablo Portero etc.
apertura
A VI Semana de Poesía Salvaxe prolóngarase desde o mércores 24 ata o sábado 27. A intervención inicial será na praza de Armas ás 18.30 horas coa participación de Karlotti e Guillermo Ferrández, os organizadores, xunto con Marcos Lorenzo e Víctor M. Díez. A partir das 23.30 horas o pub Cazadores acolle un recital de Séchu Sende, Felipe Zapico, Karlotti, Ferrández, Manolo Bacalhao e o citado Comando Ártabro Poetico.
O xoves 25, a partir das 12.30 horas, no Mercado da Magdalena recitarán María Lado, Lucia Aldao, Zapico, Karlotti e Víctor. Ás 14.00 horas haberá un pasarrúas e desde as 18.30 a Biblioteca Central acollerá a palabra de Alba González. Ás 19,30 horas haberá sendos actos poéticos en Esteiro e Ferrol Vello, coa música de Al Vidal e Eli Quartier, e desde as 21.30 horas o Cafelito de Gloria celebrará a festa do 25 de abril.
Pouco despois, desde as 23.30 horas, a Sala Súper 8 acolle o concerto de The Big Lebowskis: Tiago Gomes & Francisco Rebelo chegados desde Lisboa, acompañados da palabra do Comando Ártabro da Palabra Encarnada.
O venres 26 a actividade ábrese no Mercado de Recimil ás 12.30 horas con Adolfo García Ortega, Estevo Creus, Felipe Zapico, Alba González e o Comando Ártabro. Ás 14.00 horas comezará un pasarrúas con La Ventanita (Lícas, Olga e Cristina), Alfredo Vidal e Eli Quartier.
Pola praza de Armas, Esteiro e Canido pasarán a partir das 18.30 horas Licas, Xiana Arias, Olalla Cociña, Tiago Gomes, Adolfo García, Alfredo Vidal e Eli Quartier. Na noite a actividade continuará no pub Carteles.
última xornada
O sábado 27 o pub Cazadores recibe a partir das 13.30 horas a Javier Semprún, Ramiro Vidal e Tiago Gomes. A actividade prosegue ás 18.30 horas no Ateneo Ferrolán con Olalla Cociña e Ildefonso Rodriguez, Xiana Arias, Ramiro Vidal, Chefa Alonso e Cova Villegas e o Comado Ártabro.
A actividade multiplícase nesta última noite con varios recitais de poesía e música consecutivos en O Cafelito de Gloria, o pub Manchita Cosa e o pub Carteles, onde se celebrará a festa de remate do programa desta VI edición da Semana da Poesía Salvaxe.
No hay comentarios:
Publicar un comentario